من يرد بسمة أهلها ؟

قبل جم يوم ، يوم ، وصلتني على إيميلي رسالة .. وياليتها أي رسالة

عورني قلبي حييل .. طفلة صغيرة .. بأول عمرها .. مالها لا حس ولا خبرطلعت من البيت قبل شهر .. وللحينها ماردت

..!!!

السلام عليكم

هاذي صورت البنت المخطوفة \ ابتهال سلطان المطيري

الى كل قلب واعي يرى تلك العيون البريئه

الى كل من يقرا رسالتي

اناشدك بالله ان ترسلها الى كل من تعرف لتساعد والديها وذويها في العثور عليها

لاتنسو الدعاء بان يعيدها المولى عز وجل الى اهلها

الطفلة فقدت ظهر يوم الاربعاء 7/3/1427 الموافق 5/4/2006

وكانت ترتدي تنوره جنز زرقاء

وبلوزه بنفسجي

وهذه اخر صوره التقطت لها

لمن يعرف عنها شئ يبلغنا على التالي

الاتصال على رقم عمها محمــد

جوال 0504558800

او الابلاغ على الاميلات التاليه

webmaster@noo-rules.com

abo_msharai@hotmail.com

اللهم صبر والديها وان يحفظها من كل مكروووه

توجد مكافأة خمسون الف ريال لمن يجدها

تكفون ياجماعة الخير خلونا نســاعدهم .. ترى المووضوع أبد مو هين

كاني أحاول أحط هالموضوع بكل مكان بالنت

أحاول اسو اللي أقدر عليها

وانتو بعد لاتبخلون عليهم بدعاائكم

وهاذي الإيميل اللي وصلني

مادري أدق عليهم أسال حصلوها ولة لا .. واايد قلبي ماكلني عليها

أعظم مصيبة ممكن تصيب الواحد بهالزمن إنه يفقد شخص عزيز عليه .. واكثرها ألم هي حزن الأم على فراق وليدها .. وربي يعين اللي مر فيها
صدقوني .. ماراح نحسها الا لين مرين فيها ، هاذي تختلف إن الإنسان يكون عود فالسن ويكتبله ربي أجله هينة ..

بس اللي تذبح .. هو انج تشوفين طفلج يروح منج .. فهاذي غير ..

هاللي ياما تشوقتيله قبل طلعته لهالدنيا .. ويوم أنولد وخرج للنور بنيتيله في نفسج أحلام وااااايدة وحلم وأمل ..

تصورتيله دنيا حلوة كلها حب وحنان ياخذج هالخيال لعالم وردي .. وبلحظة .. يتبدد هالحلم .. وتغرب الشمس من بعد إشراقة الأمل

وبلحظة .. يكتبله ربج الرحيل ..ويتبدد كل حلم حلمتيه .. وكل أمل بنيتيه
وتيين بيوم تصحين من نومج .. وماتلاقين هالوليد ..

ياربي تصبر كل من فقد محبوبه .. وتصبر كل أم عانت من فراق فلذة كبدها .. حبيبها الصغيرون .. أعز احساس واحلى قلب أنولد بحشاها.

وأحب اذكرلكم هالموقف
قبل فترة كانو حاطين بقناة الشارجة لقاء.. مع المنشد .. محمد أبو راتب
وخلال اللقاء سأله المذيع سؤال غير متوقع ..يقوله قبل سنين توفى لك ابنك الصغير .. ونشدت فيه أنشودة مؤثرة أبكت الحاضرين .. في مهرجان بالبحرين ..؟

كان هالسؤال صدمة حق منشدنا أبو راتب .. وبلحظة شفناه والدموع تتلألأ بعينه .. سكت وضحك ضحكة خجل ..ومع إلحاح المذيع .. تحدث لنا عن أبنه .. وانه قبل جم سنة توفى بحادث أمـام عينه ..كان يتحدث بصعوبة ..

تحسه مع هالسنين الطويلة مانسى فراق ابنه ..

وبدأ ينشد والغصة واقفة بنص بلعومه .. ودمووعه تتلألأ واقفة بأطراف عينه واهو يقاوم خايف لاتنزل الدمعة جدام الناس

صعب صعب الموقف .. وفوق ذي كله يبونه ينشد ، وبكل قوة وصبر نشد ماسك دموعه

المنشد أبو راتب

نزلتلكم النشيدة على هالرابط

http://www.ikhwan-info.net/tapes/nasheed/rateb/la7zetamal.ram

واللي يبي يحملها

http://www.ikhwan-info.net/tapes/nasheed/rateb/la7zetamal.ram

راضي ودمع الأسى عالخد ياربي

شكى الفؤاد من الأسى اللي كوى قلبي

وبكل خطوة قدم انة صبرت صبر صبري

سلمت أمري اليه .. وبشدتي بناديه

وبإيدي اليمين توبة .. وبإيدي الشمال ذنبي

لحظة أمل عشناها مع إبني الصغير

كلمة شكر قلناها لرب العالمين

ودعينا رب السما يحفظ لنا الأثنين

لكن قدرنا كلنا مكتوووب عالجبين
وبلمح البصر وقع القدر .. وكأنه حلم بنون غاب القمر ويا السحر والعتمة لافة الكون

شفتو شمس فوق الغمام .. عالي منور للأنام

راكب حصان محجلة .. بيمينه مصحف مع حسام